News

வெனிசுலா சிறைக்குள் பயங்கர மோதல்:11 பேர் கொலை!

வெனிசுலா நாட்டின் லாரா மாநிலத்தில் உள்ள சிறைக்குள் இரு கோஷ்டிகளுக்கு இடையில் வெடித்த மோதலில் 11 பேர் உயிரிழந்தனர். #Venezuelaprisonriot

வெனிசுலா நாட்டின் லாரா மாநிலத்தில் பெனிக்ஸ் சிறைச்சாலை அமைந்துள்ளது. இந்த சிறைச்சாலையில் அந்நாட்டு அதிபருக்கு எதிர்ப்பு தெரிவிக்கும் ஏராளமான கைதிகள் அடைத்து வைக்கப்பட்டுள்ளனர்.

இந்த சிறைச்சாலையில் நேற்று கைதிகளுக்குள் கலவரம் ஏற்பட்டுள்ளது. கைதிகள் ஒருவருக்கொருவர் கொடுரமாக தாக்கியுள்ளனர். கலவரத்தை தடுக்கும் முயற்சியில் காவலர்கள் ஈடுபட்டு கட்டுப்பாட்டுக்குள் கொண்டு வந்தனர்.

இந்நிலையில், இந்த கலவரத்தில் 9 கைதிகள், 2 காவலர்கள் என 11 பேர் உயிரிழந்ததாக தெரிவிக்கப்பட்டுள்ளது. மேலும் பலர் காயமடைந்துள்ளதாகவும் கூறப்படுகிறது. இந்த சம்பவம் குறித்து விசாரணை நடத்தப்படும் என அதிகாரிகள் தெரிவித்துள்ளனர்.

கடந்த புதன்கிழமை கரகஸ் நகரில் உள்ள சிறைச்சாலையில் ஏற்பட்ட கலவரத்தில் பலர் காயமடைந்தனர்.

Latest News

Copyright © 2015 EETTV.COM.

To Top