News

எல்லையில் சுவர் கட்டினால் என்ன.. கீழே வழி இருக்கு – போலீசாருக்கு அதிர்ச்சி கொடுத்த போதை மாபியா .

அமெரிக்கா- மெக்சிகோ எல்லையில் ஊடுருவல், போதை மருந்து கடத்தலை தடுப்பதற்காக சுவர் கட்டப்படும் நிலையில், போதை மாபியா பயன்படுத்திய 80 மீட்டர் சுரங்கம் கண்டு பிடிக்கப்பட்டுள்ளது.

போதை மாபியா கும்பல் அதிகம் உள்ள மெக்சிகோவில் இருந்து அமெரிக்காவுக்கு போதை மருந்துகள் கடத்தப்படுவதாகவும், சட்ட விரோதமாக ஊடுருவி வருபவர்களை தடுக்கவும் எல்லையில் மிக நீண்ட மதில் சுவர் கட்டப்பட்டு வருகிறது.

இந்நிலையில், அமெரிக்க போலீசாருக்கு அதிர்ச்சி கொடுக்கும் வகையில் போதை மாபியா பயன்படுத்தி வந்த சுரங்கம் ஒன்று கண்டு பிடிக்கப்பட்டுள்ளது. அரிசோனா மாகாணத்தில் உள்ள சான் லூயிஸ் நகரில் பழைய ஓட்டல் ஒன்றின் அடியில் இந்த சுரங்கம் அமைக்கப்பட்டுள்ளது.

சுமார் 180 மீட்டர் நீளம் கொண்ட இந்த சுரங்கம் எல்லையை கடந்து மெக்சிகோவில் உள்ள ஒரு வீட்டின் படுக்கையறையில் முடிகிறது. அந்த பழைய ஓட்டல் இருந்த கட்டிடத்தின் உரிமையாளர் சமீபத்தில் போலீசில் சிக்க, அந்த கட்டிடத்தில் சோதனை நடத்திய பின்னர் இந்த சுரங்க விவகாரம் வெளியே வந்துள்ளது.

இந்த சுரங்கத்தின் மூலம் போதை மருந்துகள் கடத்தப்பட்டு வந்ததாக அவர் போலீசில் வாக்குமூலம் அளித்துள்ளார்.

Latest News

Copyright © 2015 EETTV.COM.

To Top