எட்டோபிகோக் பகுதியில் கார் மற்றும் மோட்டார் நேருக்கு நேர் மோதல்: ஒருவர் உயிரிழப்பு!
குறித்த சம்பவமானது, ஸ்கொர்லெட் மற்றும் ஹில் கார்டன் சாலை பகுதியில் நேற்று (வெள்ளிக்கிழமை) அரங்கேறியுள்ளது.
சம்பவத்தன்று, ஹில் கார்டன் சாலை பகுதியில் வந்து கொண்டிருந்த இருசக்கர வாகனம் ஒன்று தனது கட்டுப்பாட்டை மீறி எதிரே வந்த கார் மீது மோதிக்கொண்டது.
இந்த விபத்தில், இருசக்கர வாகனத்தில் பயணித்த நபர் சம்பவ இடத்திலேயே உயிரிழந்துள்ளார்.
இதையடுத்து, தகவல் அறிந்து சம்பவ இடத்திற்கு விரைந்து வந்த ரொறன்ரோ பொலிஸார் காயங்களுடன் இருந்த 40 வயதுடைய மற்றொரு நபரை மீட்டு மருத்துவமனையில் அனுமதித்தனர்.
இதையடுத்து, இந்த விபத்து பற்றி பொலிஸார் வழக்கு பதிவு செய்து தீவிர விசாரணை நடத்தி வருகின்றனர்.
