News

அமெரிக்க வங்கியில் திடீர் துப்பாக்கி சூடு தாக்குதல்: 5 பேர் பலி!

அமெரிக்காவின் ப்ளோரிடா மாகாணத்தில் உள்ள வங்கியில் நடததப்பட்ட துப்பாக்கி சூடு தாக்குதலில் 5 பேர் பலியாகியுள்ளதாக முதற்கட்ட தகவல்கள் தெரிவிக்கின்றன.

 அமெரிக்காவின் தெற்கு பகுதியில் உள்ள மாகாணமான புளோரிடாவில் செப்ரிங் என்ற நகர் உள்ளது. இந்த நகரில் இயங்கி வரும் வங்கி ஒன்றிற்குள் புகுந்த 21-வயது இளைஞர் ஒருவர், திடீரென தன்னிடம் இருந்த துப்பாக்கியை எடுத்து, வங்கிக்குள் நின்ற மக்கள் மீது கண்மூடித்தனமாக சுட்டார். இந்த தாக்குதலில் 5 பேர் சம்பவ இடத்திலேயே பலியாகினர்.

இதனை பார்த்த பக்கத்துக்கு கடையை சேர்ந்த ஒருவர் உடனடியாக பொலிஸாருக்கு தகவல் கொடுத்துள்ளார்.

அதனடிப்படையில் சம்பவ இடத்திற்கு ஆயுதங்களுடன் ஏராளமான பொலிஸார் குவிந்தனர். இதனை பார்த்த அந்த மர்ம நபர் பொலிஸாரிடம் சரணடைந்ததாக தெரியவந்துள்ளது. இந்த சம்பவத்தில் 5 பேர் பலியாகியுள்ளதாகவும், ஏராளமானோர் படுகாயமடைந்துள்ளதாகவும் முதற்கட்ட தகவல்கள் தெரிவிக்கின்றன.

ஆனால் இதில் பாதிக்கப்பட்டவர்கள் வங்கி ஊழியர்களா? அல்லது வாடிக்கையாளர்களா? என்பது இன்னும் உறுதி செய்யப்படவில்லை.

இதுகுறித்து பொலிஸார் தீவிர விசாரணை மேற்கொண்டு வருகின்றனர். இதனால் அப்பகுதி முழுவதும் பெரும் பரபரப்பாக காணப்படுகிறது.

Latest News

Copyright © 2015 EETTV.COM.

To Top