News

அமெரிக்காவில் கார்களின் மீது கிரேன் அறுந்து விழுந்த விபத்தில் 4 பேர் பலி, 8 பேர் படுகாயம்!

அமெரிக்காவின் சியாட்டில் நகரில் கட்டுமானத்துக்கு பயன்படும் பளுதூக்கி கிரேன் சாலையில் சென்ற வாகனங்களின் மீது அறுந்து விழுந்த விபத்தில் 4 பேர் உடல் நசுங்கி உயிரிழந்தனர்.
அமெரிக்காவின் வாஷிங்டன் மாகாணம் சியாட்டில் நகரில் உள்ள மெர்கர் என்ற இடத்தில் கட்டுமான பணிகள் நடந்து வருகின்றன. இந்த பணியில் ராட்சத கிரேன் ஈடுபடுத்தப்பட்டிருந்தது.

இந்த நிலையில், நேற்று முன்தினம் வழக்கம் போல பணிகள் நடந்து கொண்டிருந்தபோது பிற்பகல் சுமார் 3 மணியளவில்   திடீரென அந்த ராட்சத கிரேன் சரிந்து சாலையில் விழுந்தது. இதில், சாலையில் சென்று கொண்டிருந்த கார்கள் மீது, ராட்சத கிரேனின் ஒரு பகுதி விழுந்து, கார்கள் சின்னாபின்னமாகின.

இந்த கோர விபத்தில், ராட்சத கிரேனை இயக்கிய 2 டிரைவர்களும், வெவ்வேறு கார்களில் இருந்த 2 நபர்கள் என 4 பேர் சம்பவ இடத்திலேயே உடல் நசுங்கி பரிதாபமாக உயிர் இழந்தனர். மேலும் மற்ற கார்களில் இருந்த ஒரு பெண் மற்றும் அவரது குழந்தை உள்பட 8 பேர் படுகாயம் அடைந்தனர்.

அவர்கள் மீட்கப்பட்டு அருகில் உள்ள மருத்துவமனைகளில் அனுமதிக்கப்பட்டு சிகிச்சைபெற்று வருகிறார்கள். கிரேன் சரிந்து விழுந்ததில் மொத்தம் 6 கார்களும், கட்டுமான பணிகள் நடந்து வரும் கட்டிடத்தின் ஒரு பகுதியும் பலத்த சேதம் அடைந்ததாக அங்கிருந்து வரும் தகவல்கள் தெரிவிக்கின்றன.

 

Latest News

Copyright © 2015 EETTV.COM.

To Top