நியூசிலாந்து மக்கள் உலகில் முதன்முதலாக புத்தாண்டை கொண்டாடினர். அந்நாட்டு மக்கள் ஆட்டம், பாட்டம், வாணவேடிக்கை என கோலாகலமாக புத்தாண்டை வரவேற்றனர்.
பூமிப் பந்தின் கிழக்கு திசையின் கடைக்கோடியில் ஆஸ்திரேலியா, ஓசியானியா கண்டத்தில் பசிபிக் பெருங்கடல் பகுதியில் அமைந்துள்ள நியூசிலாந்து நாடு உலகில் முதன்முதலாக சூரிய உதயத்தை சந்திக்கும் முதல் நாடாக உள்ளது. இந்தியாவுக்கும் நியூசிலாந்துக்கும் இடையில் உள்ள நேர வித்தியாசம் நம்மைவிட ஏழரை மணிநேரம் கூடுதலாகும்.
இந்நிலையில், (இந்திய நேரப்படி இன்று மாலை 4.30 மணியளவில்) நியூசிலாந்தில் நள்ளிரவு 12 மணி ஆனவுடன் அந்நாட்டு மக்கள் ஆட்டம், பாட்டம், வாணவேடிக்கை என கோலாகலமாக 2020-ம் புத்தாண்டை வரவேற்று மகிழ்ந்தனர்.
கண்ணை கவரும் வகையில் நடைபெற்ற வாணவேடிக்கை நிகழ்ச்சிகள் காண்போரை பரவசத்தில் ஆழ்த்தியது.
நியூசிலாந்துக்கு அடுத்தபடியாக (இந்திய நேரப்படி இன்றிரவு சுமார் 8.30 மணியளவில்) ஜப்பான் நாட்டு மக்கள் உலகிலேயே 2-வதாக புத்தாண்டைக் கொண்டாடி மகிழ்வார்கள். அதன்பின், சுமார் மூன்றரை மணி நேரத்துக்கு பிறகு நமது நாட்டில் இன்று நள்ளிரவு 12 மணிக்கு புத்தாண்டு பிறக்கவுள்ளது.
இந்திய நேரப்படி புத்தாண்டை வரவேற்ற, வரவேற்க உள்ள நாடுகள்
பிற்பகல் 3:45 மணிக்கு, கேதம் தீவுகளில் புத்தாண்டை வரவேற்றனர்.
மாலை 4:30 மணிக்கு, நியூசிலாந்தில் புத்தாண்டு உற்சாகமாக வரவேற்றனர்.
மாலை 5:30 மணிக்கு, ரஷ்யாவின் சில பகுதிகளில் புத்தாண்டு கொண்டாடப்படும்.
மாலை 6:30 மணிக்கு, ஆஸ்திரேலியாவின் மெல்போர்ன், சிட்னி, கான்பெர்ரா, ஹொனியாராவில் புத்தாண்டு கொண்டாடப்படும்.
இரவு 7 மணிக்கு, அடிலெய்ட், ப்ரோக்கன் ஹில், செடுனாவில் புத்தாண்டு கொண்டாடப்படும்.
இரவு 7:30 மணிக்கு, ஹகட்னாவின் போர்ட் மோரேஸ்பி, பிரிஸ்பேனில் புத்தாண்டு கொண்டாடப்படும்.
இரவு 8 மணிக்கு, டார்வின், ஆலிஸ் ஸ்பிரிங்ஸ், டென்னன்ட் க்ரீக்கில் புத்தாண்டு கொண்டாடப்படும்.
இரவு 8:30 மணிக்கு, ஜப்பான் மற்றும் தென் கொரியாவில் டோக்கியோ, சியோல், பியோங்யாங், நாகெருல்முட் ஆகிய இடங்களில் புத்தாண்டு கொண்டாடப்படும்.
இரவு 9:30 மணிக்கு, சீனா மற்றும் பிலிப்பைன்ஸில் புத்தாண்டு கொண்டாடப்படும்.
இரவு 10:30 மணிக்கு, இந்தோனேசியா மற்றும் தாய்லாந்தில் புத்தாண்டு கொண்டாடப்படும்.
இரவு 11 மணிக்கு மியான்மரில் புத்தாண்டு கொண்டாடப்படும்.
இரவு 11:30 மணிக்கு, பங்களாதேஷில் புத்தாண்டு கொண்டாடப்படும்.
இரவு 11:45 மணிக்கு, நேபாளத்தின் காத்மாண்டு, போகாரா, பிரத்நகர், தரனில் புத்தாண்டு கொண்டாடப்படும்.
நள்ளிரவு 12:00 மணிக்கு, இந்தியாவில் ஆங்கில புத்தாண்டு கொண்டாடப்படும்.
ஜனவரி 1ம் தேதி அதிகாலை 12.30 மணிக்கு, பாகிஸ்தானில் புத்தாண்டு கொண்டாடப்படும்.
அதிகாலை 1 மணிக்கு ஆப்கானிஸ்தானில் புத்தாண்டு கொண்டாடப்படும் இதைத் தொடர்ந்து அஜர்பைஜான், ஈரான், மாஸ்கோ, கிரீஸ் மற்றும் ஜெர்மனி ஆகிய நாடுகள் உள்ளன.
அதிகாலை 5.30 மணிக்கு இங்கிலாந்து நாடு புத்தாண்டை வரவேற்கும்.
காலை 9:30 மணி முதல் மதியம் 1:30 மணி வரை கனடா மற்றும் அமெரிக்காவில் புத்தாண்டு கொண்டாடப்படும்.
இதைத் தொடர்ந்து மார்குவேஸ் தீவுகள், அமெரிக்கன் சமோவா மற்றும் இறுதியில் நாளை மாலை 5:50 மணிக்கு பேக்கர்ஸ் தீவு புத்தாண்டை கொண்டாடி மகிழ்வர்.
