Canada

வைச்வுட் நகரில் 11 வயது சிறுமியை தீயணைப்பு வண்டியால் தாக்கிய தீயணைப்பு வீரர் மீது குற்றம் சாட்டு

டொரொன்டோ தீயணைப்பு வீரர் ஒருவர் கடந்த மாதம் வைச்வுட் நகரில் 11 வயது சிறுமியை தீயணைப்பு வண்டியால் தாக்கிய குற்றச்சாட்டை எதிர்கொண்டுள்ளார்.

டொராண்டோ ஃபயர் சர்வீசஸ் உறுப்பினர்கள் டிசம்பர் 16 ம் தேதி மாலை 3:30 மணியளவில் அவசர அழைப்புக்கு  சென்று கொண்டிருந்த வேளை மோதல் ஏற்பட்டதாக போலீசார் கூறுகின்றனர்.

புலனாய்வாளர்களின் கூற்றுப்படி, ரோஸ்மவுண்ட் அவென்யூவுக்கு அருகிலுள்ள ஓக்வுட் அவென்யூவில் தீயணைப்பு வண்டி அதன் விளக்குகள் மற்றும் சைரன்கள் இயக்கப்பட்டபடி வடக்கு நோக்கிச் சென்று கொண்டிருந்த போது சிறுமி கடவு பாதையின் குறுக்கே சென்றதினால் விபத்து ஏற்பட்டது

சிறுமியை  தீயணைப்பு வண்டியின் முன்பக்கம்  தாக்கி உள்ளது. உடனடியாக தீயணைப்பு படையினரால் குழந்தைக்கு முதலுதவி வழங்கப்பட்டது என்று போலீசார் கூறுகின்றனர்.

அவர் சிகிச்சைக்காக மருத்துவமனைக்கு கொண்டு செல்லப்பட்டார் மற்றும் அவரது காயங்கள் உயிருக்கு ஆபத்தானவை அல்ல என்றாலும், அவர் இன்னும் மருத்துவமனையில் குணமடைந்து வருகிறார்.

தீயணைப்பு வண்டியின் ஆபரேட்டர் பின்னர் நெடுஞ்சாலை போக்குவரத்து சட்டத்தின் கீழ் கவனக்குறைவாக வாகனம் ஓட்டியதால் உடல் ரீதியான தீங்கு விளைவித்ததாகவும், சிக்னலில் நிறுத்தப்பட்ட வாகனத்தை கிராஸ்ஓவரில் கடந்து சென்றதாகவும் குற்றம் சாட்டப்பட்டது.

தீயணைப்பு வீரர் பிப்ரவரி 20 அன்று மதியம் 1:30 மணிக்கு ஓல்ட் சிட்டி ஹாலில் நீதிமன்றத்தில் ஆஜர்படுத்தப்பட உள்ளார்.

வெள்ளிக்கிழமை வெளியிடப்பட்ட எழுத்துப்பூர்வ அறிக்கையில், டொராண்டோ தீயணைப்புத் துறைத் தலைவர் மத்தேயு பெக் சிறுமியின் காயங்கள் “கடுமையானவை” என்பதை உறுதிப்படுத்தினார்.

“எனது எண்ணங்களும், முழு டொராண்டோ தீயணைப்பு சேவைக் குழுவின் எண்ணங்களும், இந்த கடினமான நேரத்தில் இளம் பெண் மற்றும் அவரது குடும்பத்தினருடன் உள்ளன. நாங்கள் ஒவ்வொருவரும் ஒரு முழுமையான மற்றும் விரைவான மீட்சியை எதிர்பார்க்கிறோம்” என்று பெக் கூறினார்.

“டொராண்டோ ஃபயர் சர்வீசஸ் தங்களது சுயாதீன விசாரணை முழுவதும் காவல்துறையினருடன் முழுமையாக ஒத்துழைத்து வருகிறது, தொடர்ந்து அதைச் செய்து வருகிறது. டொராண்டோ ஃபயர் சர்வீசஸ் தனது சொந்த உள் விசாரணையையும் மேற்கொண்டு வருகிறது.

இந்த சம்பவத்தில் குற்றம் சாட்டப்பட்ட தீயணைப்பு வீரர் “மிகவும் பயிற்சி பெற்றவர் மற்றும் அனுபவம் வாய்ந்தவர்” என்றும் டொராண்டோ தீயணைப்பு சேவைகளில் 22 ஆண்டுகளுக்கும் மேலாக பணியாற்றி அவர் சுறுசுறுப்பான கடமையில் இருக்கிறார், என்றும் பெக் கூறினார்.

 

Latest News

Copyright © 2015 EETTV.COM.

To Top