News

கினியாவில் ராணுவ தளத்தில் குண்டுவெடிப்பு; 17 பேர் உயிரிழப்பு, 420 பேர் காயம்

கினியா நாட்டில் ராணுவ தளத்தில் ஏற்பட்ட தொடர்ச்சியான குண்டுவெடிப்பு சம்பவங்களில் 17 பேர் கொல்லப்பட்டு உள்ளனர்.
 ஞாயிற்றுக்கிழமை பிரதான நகரமான பாட்டாவில் ஒரு இராணுவ முகாம்களுக்கு அருகில் இந்த கொடூர சம்பவம் நடந்துள்ளது.
 
கினியாவில் பேட்டா என்ற பகுதியில் அமைந்த ராணுவ தளமொன்றில் டைனமைட் என்ற வெடிபொருள் திடீரென தொடர்ச்சியாக வெடித்துள்ளது.  சக்தி வாய்ந்த இந்த குண்டுவெடிப்பில் சிக்கி 17 பேர் கொல்லப்பட்டு உள்ளனர்.
இதுவரை 420 பேர் காயமடைந்து உள்ளனர் என அந்நாட்டு சுகாதார அமைச்சகம் தெரிவித்து உள்ளது.  டைனமைட் வெடிபொருளை பயன்படுத்தும்பொழுது பாதுகாப்பு விசயங்களை கவனத்தில் கொள்ளவில்லை என கினியா அதிபர் டியோடோரா ஓபியாங் கூறியுள்ளார்.
 மேலும், இடிபாடுகளில் தப்பியவர்களைத் தேடுவதையும், இடிந்து விழுந்த கட்டிடங்களிலிருந்து குப்பைகளை நீக்கம் செய்வதையும் அரசு தொலைக்காட்சி காட்டியுள்ளது.
இதனிடையே, தன்னார்வ சுகாதார ஊழியர்களை பாட்டா பிராந்திய மருத்துவமனைக்கு செல்ல சுகாதார அமைச்சகம் கேட்டுக் கொண்டது.
 மட்டுமின்றி, அதிக எண்ணிக்கையிலான உயிரிழப்புகள் காரணமாக இரத்த தானம் செய்யவும் சுகாதார அமைச்சகம் கேட்டுள்ளது.

Latest News

Copyright © 2015 EETTV.COM.

To Top