அரசாங்கத்தினால் நடைமுறைப்படுத்தப்படும் ஜனநாயக விரோத செயற்பாடுகளுக்கு எதிராக பாரிய சக்தியாக ஒன்றிணைந்து செயற்படுவதற்கு பல எதிர்க்கட்சியைப் பிரதிநிதித்துவப்படுத்தும் அரசியல் கட்சிகள் நேற்று முதல் முறையாக கூடியதோடு, அதன் இரண்டாவது கட்டமாக இன்று (25) நாடாளுமன்றத்தில் கூடியது.

தற்போதைய அரசியல், பொருளாதார, சமூகப் பிரச்சினைகளுக்கு மத்தியில் அரசாங்கத்தினால் நடைமுறைப்படுத்தப்படும் தன்னிச்சையான வேலைத்திட்டத்திற்கு எதிராக எதிர்க்கட்சிகளின் அனைத்து அரசியல் கட்சிகளையும் ஒன்றிணைத்து பொது வேலைத்திட்டமொன்றை உருவாக்கும் நோக்கில் ஐக்கிய மக்கள் சக்தி தலைமையிலான பல எதிர்க்கட்சிகள் எதிர்க்கட்சித் தலைவர் சஜித் பிரேமதாச தலைமையில் நேற்று நாடாளுமன்றத்தில் ஒன்று கூடின.

அதன் தொடர்ச்சியாக இன்று நடைபெற்ற இந்தச் சந்திப்பில் தமிழ் கூட்டமைப்பை பிரதிநிதித்துவப்படுத்தும் நாடாளுமன்ற உறுப்பினர், அதிபர் சட்டத்தரணி எம்.ஏ. சுமந்திரன் மற்றும் அரசாங்கத்திலிருந்து நாடாளுமன்றத்தில் சுயாதீனமாக செயற்படும் மக்கள் பிரதிநிதிகள் பலர் கலந்து கொண்டனர்.