ஜம்மு – -காஷ்மீரின் பஹல்காமில் பாக்., பயங்கரவாதிகள் தாக்குதல் நடத்தியதை அடுத்து, சிந்து நதி நீர் ஒப்பந்தம் ரத்து; பாகிஸ்தானியர்களின் விசாக்கள் ரத்து என ஏராளமான தடைகளை மத்திய அரசு விதித்துள்ளது.

இதைத் தொடர்ந்து, இரு நாடுகளுக்கு இடையே போர் மூளும் அபாயம் ஏற்பட்டுள்ளதால், நம் எல்லையை ஒட்டிய பகுதிகளில் படைகளை பாக்., குவிப்பதாக தகவல்கள் வெளியாகி உள்ளன.

இந்நிலையில், நம் நாட்டின் லடாக்கை ஒட்டியுள்ள பென்சி, பாக்., ஆக்கிரமிப்பு காஷ்மீரின் ஸ்கார்டு, கைபர் பக்துங்வாவின் ஸ்வாட் என எல்லையில் உள்ள விமானப்படை தளங்களில், எப் -16, ஜே -10, ஜேஎப் – 17 ஆகிய ரகங்களைச் சேர்ந்த போர் விமானங்களை பாக்., நிறுத்தியுள்ளது.

குறிப்பாக, ஸ்கார்டு விமானத் தளத்தில் கூடுதல் போர் விமானங்களையும், ராணுவ தளவாடங்களையும் இறக்கும் வகையில், ஏற்பாடுகளை செய்து வருகிறது.