ஏமன் நாட்டிலிருந்து ஏவப்பட்ட ஏவுகணைகள், இஸ்ரேல் விமான நிலையத்திற்கு செல்லும் சாலை ஒன்றில் விழுந்து வெடித்தன. இதில், நான்கு பேருக்கு லேசான காயம் ஏற்பட்டது. விமானங்கள் புறப்பாடு மற்றும் வருகை சில மணி நேரம் நிறுத்தி வைக்கப்பட்டது.

அதற்கு பதிலடி கொடுக்கும் வகையில் இஸ்ரேல் ராணுவம், ஏமன் நாட்டின் மீது விமானங்கள் வாயிலாக நேற்று முன்தினம் குண்டு மழை பொழிந்தது. இந்த தாக்குதலில், அந்நாட்டின் சிவப்பு கடல் பகுதியில் உள்ள முக்கிய துறைமுகமான ஹோடெய்டா மற்றும் அங்கிருந்து, 55 கி.மீ., தொலைவில் உள்ள சிமென்ட் தொழிற்சாலை சேதமடைந்தன. இதில், ஒருவர் கொல்லப்பட்டார்; 35க்கும் மேற்பட்டோர் காயமடைந்தனர்; இன்னும் சிலரை காணவில்லை. இந்த தாக்குதல் காரணமாக இஸ்ரேலில் பதற்றமான சூழல் நிலவுகிறது.