கொங்கோ ஜனநாயகக் குடியரசின் வடகிழக்கு பிராந்தியத்தில் உள்ள மிக முக்கியமான கிசங்கானி பான்போகா சர்வதேச விமான நிலையத்தின் மீது கிளர்ச்சியாளர்கள் நேற்று பயங்கரமான ட்ரோன் தாக்குதல்களை நடத்தினர்.
மார்ச் 1, ஞாயிற்றுக்கிழமை அதிகாலை 2:00 மணிக்குத் தொடங்கிய இந்தத் தாக்குதல்கள், விமான நிலையம் பரபரப்பாக இயங்கிக் கொண்டிருந்த மாலை நேரத்திலும் தொடர்ந்தன.
குறிப்பாக, ஒரு சிவில் விமானம் தரையிறங்க முயன்ற சமயத்தில் ட்ரோன்கள் வான்வெளியில் தென்பட்டதால் பெரும் பதற்றம் ஏற்பட்டது.
இருப்பினும், கொங்கோ பாதுகாப்புப் படையினர் துரிதமாகச் செயல்பட்டு, வெடிகுண்டுகள் ஏற்றப்பட்ட 8 ட்ரோன்களையும் வான்வெளியிலேயே சுட்டு வீழ்த்தினர்.
இந்தத் தாக்குதலுக்கு உரிமை கோரியுள்ள M23 கிளர்ச்சிக் குழு, தங்களுக்கு எதிரான இராணுவ நடவடிக்கைகளை ஒருங்கிணைக்கும் மையமாக இந்த விமான நிலையம் செயல்படுவதால் இதைத் தாக்கியதாகத் தெரிவித்துள்ளது.
முன்னதாக, பெப்ரவரி மாத இறுதியில் நடந்த ஒரு ட்ரோன் தாக்குதலில் M23 அமைப்பின் முக்கிய இராணுவப் பேச்சாளர் கொல்லப்பட்டதற்குப் பதிலடியாக இந்த நடவடிக்கை இருக்கலாம் எனக் கருதப்படுகிறது.
தற்போது விமான நிலையத்தின் பாதுகாப்பு பலப்படுத்தப்பட்டுள்ளதோடு, பயணிகள் அச்சப்படத் தேவையில்லை என அதிகாரிகள் அறிவித்துள்ளனர்.
இந்தத் தாக்குதலால் உயிரிழப்புகள் ஏதும் ஏற்படவில்லை என்றும், விமானப் போக்குவரத்து தற்காலிக இடையூறுகளுக்குப் பிறகு மீண்டும் சீரடைந்துள்ளதாகவும் தகவல்கள் தெரிவிக்கின்றன.
