சீனாவின் தியாங்காங் விண்வெளி நிலையத்தில் மர்மமான பக்டீரியா இனத்தை கண்டுபிடித்துள்ளதாக விஞ்ஞானிகள் தெரிவித்துள்ளனர்.

விண்வெளி நிலையத்தில்  எடுக்கப்பட்ட மாதிரிகளில் இந்த பக்டீரியா கண்டுபிடிக்கப்பட்டுள்ளதாக தெரிவிக்கப்படுகிறது.

இது விண்வெளியில் வளர்ந்துள்ள முதன்மையான உயிரி வகையாக இந்த புதிய கண்டுபிடிப்பு அறிவிக்கப்படுகிறது.

இதற்கு ‘நியாலியா தியாங்கோங்கென்சிஸ்’ எனப் பெயரிடப்பட்டுள்ளது.

2023 ஜூன் மாதம் பூமிக்கு திரும்பிய Shenzhou 15 பயணத்தின் போது, விண்வெளி நிலையத்தின் மேற்பரப்பிலிருந்து எடுக்கப்பட்ட மாதிரிகளில் இந்த பக்டீரியா கண்டறியப்பட்டுள்ளது.

இது தற்போது International Journal of Systematic and Evolutionary Microbiology என்ற பன்னாட்டு ஆய்விதழில் வெளியிடப்பட்டுள்ளது.

இந்த பக்டீரியா வளர காற்று தேவைப்படும், spore உருவாக்கும், தண்டு வடிவம் கொண்டது.

பூமியில் காணப்படும் Niallia circulans இனத்தின் தோற்றத்தைக் கொண்டிருந்தாலும், அதிலிருந்து சற்றே வேறுபடுகிறது.

விண்வெளி உயிரியல் வளர்ச்சிக்கான சான்றுகள் இந்த புதிய இனத்தில் இரண்டு முக்கியமான புரதங்களில் ஏற்பட்ட மாற்றங்கள், பயோஃபில்ம் உருவாக்கம், ஆக்ஸிடேட்டிவ் ஸ்டிரெஸ் எதிர்ப்பு மற்றும் விகிரண சேதத்தை சரிசெய்தல் போன்ற முக்கிய செயல்பாடுகளை மேம்படுத்துகிறது.

இது விண்வெளியில் உயிரிகள் எவ்வாறு தங்களை மாற்றிக்கொள்கின்றன என்பதற்கான புதிய தகவல்களை அளிக்கிறது.