காசா போர் நிறுத்தத்திற்கான அமெரிக்க சிறப்புத் தூதர் ஸ்டீவ் விட்காஃப்பின் முன்மொழிவுக்கு ஹமாஸ் ஒப்புக்கொண்டதாக சர்வதேச ஊடகங்கள் செய்தி வெளியிட்டுள்ளன.
இந்த ஒப்புதல் போரை முடிவுக்குக் கொண்டுவருவதற்கான வழியை ஏற்படுத்தும் என பாலஸ்தீன அமைப்பக்கள் தெரிவித்துள்ளன.
பத்து பணயக்கைதிகளை விடுவிப்பது மற்றும் 70 நாட்கள் போர் நிறுத்தம் ஆகியவற்றைக் கொண்ட புதிய திட்டம், மத்தியஸ்தர்கள் மூலம் முன்மொழியப்பட்டுள்ளது.
70 நாள் போர் நிறுத்தம் மற்றும் காசா பகுதியில் இருந்து பகுதியளவு படைகள் திரும்பப் பெறுவதற்கு ஈடாக, ஹமாஸால் இரண்டு குழுக்களாகப் பிடிக்கப்பட்ட பத்து உயிருள்ள இஸ்ரேலிய பணயக்கைதிகளை விடுவிப்பது இந்த திட்டத்தில் அடங்கும் என்று கூறப்பட்டுள்ளது.
இந்த முன்மொழிவு இஸ்ரேலால் பல பாலஸ்தீன கைதிகளை விடுவிப்பதையும் கொண்டமைந்துள்ளது.
எனினும் இஸ்ரேலிடமிருந்து உடனடி பதில் எதுவும் கிடைக்கவில்லை என்பதும் குறிப்பிடத்தக்கது.
