டெல்லி வெடிகுண்டுத் தாக்குதல் தொடர்பில் கைது செய்யப்பட்ட மருத்துவர் முஷம்மில் ஷகீல், இரண்டு மாதங்களுக்கு வெடிபொருட்களை சேமித்து வைப்பதற்காக வீடொன்றை வாடகைக்கு எடுத்துள்ளதாகத் தெரிவிக்கப்பட்டுள்ளது.
குறித்த அறைக்காக அவர் இந்திய மதிப்பில் 2,400 ரூபாயை வாடகையாக செலுத்தியுள்ளார்.
அதாவது, மாதத்திற்கு 1,200 ருபாய் என்ற அடிப்படையில், செப்டம்பர் 13 முதல் நவம்பர் 11 வரை இரண்டு மாதங்களுக்கு அறையை வாடகைக்கு எடுத்துள்ளார்.
வாடகைக்கு எடுத்த வீட்டில் வெடிபொருட்களை வைத்துவிட்டு மீண்டும் அவர் அங்கு திரும்பவில்லை என பொலிஸார் தெரிவித்துள்ளனர்.
இந்நிலையில், அந்த வீட்டிலிருந்து சுமார் 2,900 கிலோகிராம் அளவான அம்மோனியம் நைட்ரேட் கண்டுபிடிக்கப்பட்டுள்ளது.
அத்துடன், வெடிபொருட்கள் தயாரிக்கப் பயன்படுத்தப்படும் ஒரு இரசாயனம், ஒரு தாக்குதல் துப்பாக்கி மற்றும் ஒரு பெரிய ஆயுதக் கிடங்கும் மீட்கப்பட்டமை குறிப்பிடத்தக்கது.
