2011இல் சூடானில் இருந்து பிரிந்து தெற்கு சூடான் தனி நாடாக செயல்பட்டு வருகிறது. இந்நிலையில் அன்றிலிருந்து இரு தரப்புக்கும் இடையில் உரசல்கள் இருந்து வருகின்றன.
இந்நிலையில் கடந்த திங்கட்கிழமை இரவு, சூடான் மற்றும் தெற்கு சூடானுக்கு இடையேயான சர்ச்சைக்குரிய எல்லைப் பகுதியான அபியே நகருக்கு வடக்கே உள்ள அமியட் சந்தையின் மீது ட்ரோன் தாக்குதல் நடந்துள்ளது.
சந்தைக்குள் பல இடங்களில் ட்ரோன் மூலம் நடத்தப்பட்ட தாக்குதலில் சந்தைக்கு அருகில் இருந்த பெட்ரோல் நிலையத்தில் தீப்பற்றி பயங்கர விபத்து ஏற்பட்டுள்ளது.
சந்தை முழுவதும் தீ பரவ தொடங்கியதால் சந்தையில் இருந்தவர்கள் அலறியடித்து ஓடியதில் மேலும் எல்லா இடங்களிலும் கூட்ட நெரிசல் ஏற்பட்டது.
உயிரிழப்பு தாக்குதல் மட்டும் கூட்டநெரிசலில் குறைந்தது 153 பேர் உயிரிழந்ததோடு 20க்கும் மேற்பட்டோர் காயமடைந்தனர் என உள்ளூர் அதிகாரிகள் தெரிவித்துள்ளனர். உயிரிழந்தவர்களில் குழந்தைகளும் அடங்குவர். காயமடைந்தவர்களில் பலர் கவலைக்கிடமான நிலையில் உள்ளனர். உயிரிழப்பு எண்ணிக்கை மேலும் உயரக்கூடும் என்று உள்ளூர் அதிகாரி ஒருவர் தெரிவித்தார்.
உள்நாட்டு போர் சூடான் ராணுவத்திற்கும் துணை ராணுவ படையான ஆர்எஸ்எப் படையினருக்கும் இடையே ஏப்ரல் 2023 முதல் உள்நாட்டு போர் நடந்து வரும் சூழலில் இந்த தாக்குதல் நடந்துள்ளது.
சூடான் ராணுவமே இந்த தாக்குதலை நடத்தியதாக உள்ளூர் அதிகாரிகள் தெரிவித்தனர். தெற்கு சூடான் வெளியுறவு அமைச்சகமும் சூடான் ராணுவமே தாக்குதல் நடத்தியதாக குற்றம்சாட்டியுள்ளது. உள்நாட்டு போரினால் சமீப மாதங்களில் அதிகரித்துள்ள டிரோன் தாக்குதல்கள், பொதுமக்களின் உயிருக்கு பெரும் அச்சுறுத்தலாக உருவெடுத்துள்ளதாக தெரிவிக்கப்பட்டுள்ளது.
